Chamamos dor torácica á molestia ou dor sentida en calquera punto do peito, entre o colo e a parte alta do abdome.

Hai moitas causas e orixes posibles que poden producir dor torácica. Algunhas non son perigosas para a saúde, pero outras poden ser serias, e incluso ter complicacións importantes. Sen lugar a dúbidas os problemas de corazón son as causas que máis angustian a quen os padece.

Os síntomas máis típicos da dor de orixe cardíaca son:

• Aparición brusca.
• Localizándose na zona central ou esquerda do tórax.
• Sensación de opresión ou “de peso”.
• Pode estenderse cara as costas, o brazo esquerdo, o colo e a mandíbula.
• Case nunca varían as súas características cos cambios de postura nin coa palpación.
• Pode acompañarse ademais de suor frío, palidez, náuseas, vómitos mareos e/ou dificultade para respirar.

• Manter a calma.
• Chamar rapidamente ao 061 ou número equivalente na súa comunidade.
• Repousar, sentado ou recostado.
• Afrouxar a roupa (gravatas, colos de camisa, cintos, sosténs, …)
• Seguir as indicacións que reciba desde o 061.

• Desprezar a importancia deste tipo de molestias.
• Dirixirse directamente ao hospital sen alertar ao 061.
• Realizar esforzos físicos antes de consultar.