Trátase da primeira feira destas características que se celebra en España, que contou coa presenza de 284 firmas expositoras, procedentes de 26 países. En Sedexpo participaron entidades e departamentos da Xunta de Galicia e a Administración Central, as forzas e corpos de seguridade do Estado e diferentes empresas que organizaron conferencias, talleres, presentacións, exhibicións e simulacros. 

Así, Urxencias Sanitarias de Galicia-061 realizou talleres de soporte vital básico e de desfibrilación externa semiautomática, desde os que difundiu a importancia da realización temperá de manobras de reanimación cardiopulmonar básica para mellorar a supervivencia e as posibles secuelas.