Rede de postos informáticos con PC multipantalla co aplicativo Acorde (Aplicación para a Coordinación De Emerxencias) como aplicación informática principal. De deseño e desenvolvemento propio, permite xestionar informáticamente a actividade da Central de Coordinación. Consta de módulos segundo o tipo de usuario (teleoperador, locutor, médico e enfermeiro) que facilitan o seu labor (clasificación automática da demanda, apartados para codificación de datos clínicos, seguimento a tempo real dos servizos,etc.).
- Aplicación para a supervisión da actividade telefónica: permite a monitoraxe de parámetros de chamadas en tempo real e a xeración de informes a tempo vencido da actividade telefónica
- ACORDE-REC: buscador de chamadas que permite acceder aos usuarios autorizados ás gravacións das comunicacións máis recentes.
- GIS: sistema de información xeográfica, que permite facer seguimento en tempo real do desenvolvemento das urxencias e emerxencias sobre unha cartografía informatizada da Comunidade. Representa, entre outros, os puntos dos incidentes, a situación dos recursos e os centros sanitarios.
- Intranet corporativa: con información de interese sobre a institución.
- Aplicación para a xeración de noticias: emite, semiautomáticamente, informes e noticias de interese para medios de comunicación acreditados.
- ACD: gestión de entrada de chamadas no 061 e no 902 400 116.
- CMI: control estatístico dos procesos.
Estas ferramentas informáticas están integradas coas de comunicación e axústanse aos máis altos niveis tanto de calidade e seguridade.