Que facer:

• Deteña sosegadamente o seu vehículo fóra da calzada, nun lugar no que non poida provocar máis accidentes.
• Póñase un chaleco de alta visibilidade.
• Sinalice a zona cos triángulos de perigo ou coas balizas luminosas de emerxencia.
• Achéguese prudentemente, tratando de facer unha primeira valoración do accidente: número e tipo de vehículo (camión, utilitario, moto...), número aproximado e estado dos feridos.
• Chame ao 061. Manteña a calma e facilite á persoa que lle atenda TODA a información que lle solicite. Resulta imprescindible para facer chegar ao punto os medios de atención adecuados á maior brevidade.
• Advirta se existe algún risco engadido polas circunstancias dos vehículos ou polo tipo de carga que transportan.
• Se algún dos vehículos estivera incendiado, afástese a unha distancia prudente para poñerse a salvo dunha posible explosión.
• Unha vez requirida dita información, ao mesmo tempo que a asistencia está saíndo cara onde vostede se atopa, un médico, desde o outro lado do teléfono, daralle uns consellos básicos de doada realización, que lle poden ser moi útiles.
• Axude aos feridos conforme lle teñan indicado desde o 061.

• Deteñer precipitadamente o seu vehículo en calquera lugar.
• Se cando chega ao accidente non é necesaria a súa colaboración, continúe o seu camiño. 
• Descoidar os seus movementos: podería ser atropelado. Nunca arrisque a súa vida tratando de acceder a lugares perigosos.
• Se hai un ferido de moto e leva casco, non llo retire se non sabe exactamente como facelo.
• Mobilizar feridos con sospeita de traumatismos nas costas: podería provocarlles graves lesións medulares.
• Trasladar os feridos no seu vehículo particular.
• Achegarse a un vehículo en chamas. Nunca fume nas proximidades dun accidente.